Pesë shoqet Tea në kërkim të Tulipanit të Zi

tea-stilton
tea-stilton
Ne foto: Pese motrat Stilton

Përshtypje për librin “Në gjurmët e Tulipanit të zi” të Tea Stilton, botuar nga Shtëpia Botuese Pegi

Agim Doksani

Tea Stiltoni, motra e Jeronim Stiltonit është personazh shumë i dashur, sidomos për vogëlushet, me të cilin lexuesi i vogël është njohuri përmes librit “Aventurat e Jeronim Stiltonit”.

Këtë radhë, vajza çapkëne, e dërguara e posaçme e Jehonës së Brejtësit, gazetës më të famshme të Ishullit të Miushëve, që aq fort ka për zemër udhëtimet dhe aventurën, ka vendosur të rrëfejë në vetë të parë, duke treguar vetë për aventurat e saj dhe të tjerëve.

Të frymëzuara nga aventurat e saj, tipi i saj i hedhur, që e merr në sy rrezikun, e prirur drejt fjalës më të fundit të modës dhe teknologjisë, pesë nxënëse, shoqe të saj vendosin të formojnë një grup dhe ta quajnë Tea Sisters (Motrat Tea).

Këtë herë, rrëfimi i Teas do ta çojë lexuesin e vogël në Holandë, në vendin e tulipanëve, ku pesë shoqet e pandara, ithtare të Tea Stiltonit, do të vihen në ndjekje të gjurmëve të Tulipanit të zi, llojit më të veçantë të tulipanëve, larmia e të cilëve përshkruhet imtësisht në këtë rrëfim.

Lexuesit e vegjël do të mësojnë se Tulipani i zi është njëherësh edhe një nga romanet më të famshëm të shkrimtarit francez me emrin Aleksandër Dyma, prej nga frymëzohen edhe aventurat e pesë shoqeve të pandara.

Me natyrat e tyre të shkathëta, herë-herë tekanjoze dhe gjithnjë të patrembura ndaj rrezikut, këto personazhe pa dyshim do t’ua fitojnë zemrat vogëlusheve lexuese, duke i ftuar të njihen me ciklin në vijim të rrëfimeve të Tea Stiltonit.

ne-gjurmet-e-tulipanit-te-zi

Librin e gjeni tek Bukinist. Ai vjen aty ku jeni ju, pa kosto transporti. Porosit online tek LINKU, ose telefononi tek: 044508282

Leave a Reply

Your email address will not be published. Required fields are marked *