Lendina e arusheve

Një ngjarje emocionuese! Historia e Tomit, arushit të robëruar në kafaz, që bën çmos të fitojë lirinë. Një histori, që tregon se kafshët kanë nevojë për shtëpinë e tyre, ashtu si edhe njerëzit. Një udhëtim në një botë ku zemra rreh fort për Tomin dhe miqtë e tij të mirë. Libri ka vlerë të shtuar nga ilustrimet e Borena Frashërit (Kunze), të cilat e bëjnë më të këndshëm dhe më të gjallë komunikimin me lexuesit e vegjël.

“Gati dy dekada më parë, mes bashkëpunëtorëve në punën time krijuese spikati një emër i ri: Rovena Rrozhani. Tregimet dhe përrallat e saj, të shkruara me fantazi të pasur, çlirët dhe me çiltërsi, me dritë e gëzim, e tërheqin lexuesin e vogël në një atmosferë, ku ai gjen botën e tij të brendshme, pra gjen vetveten. Jam e lumtur që në letërsinë tonë për fëmijë hyri një shkrimtare e re, e talentuar dhe e pasionuar.

Libri që ju po merrni në dorë ju ushqen dashurinë për kafshët dhe ju edukon me ndjenjën e mbrojtjes së tyre. Libri do t’ju “flasë” ëmbël dhe ngrohtësisht dhe do t'ju bëjë të përjetoni emocione të forta. Lexim të mbarë!