Autor: Knut Hamsun

Knut Hamsun (1859—1952) ishte shkrimtar, dramaturg dhe poet norvegjez, fitues i çmimit Nobel në Letërsi në vitin 1920. Udhëheqës i revoltës Neoromantike në kthesë të  shekullit, ai konsiderohet si shkrimtari që shpëtoi romanin nga tendenca drejt natyralizmit të ekzagjeruar. Ai ishte me origjinë fshatare dhe kishte shumë pak arsimim formal. Romani i tij i parë Uri i botuar në vitin 1890 flet për një shkrimtar të ri që po vuan nga uria. Suksesi i romanit i krijuan atij mundësinë për një seri leksionesh në të cilat shprehu admirimin për  August Strindberg dhe mospëlqimin për idhujt e kohës  Henrik Ibsen dhe Leon Tolstoi. Gjatë Luftës së Dytë Botërore ai vuri famën e vet në mbështetje të Nazizmit dhe pushtimti gjerman të Norvegjisë. Pas lufte u gjobit për bashkëpunim ekonomik me pushtuesin në një masë të tillë që falimentoi financiarisht. Irracionalizmi i tij i qëllimtë pati ndikim të madh në shumë shkrimtarë të mëdhenj.