Autor: William Shakespeare
Rreth autorit
William Shakespeare (1564–1616) është një nga dramaturgët dhe poetët më të mëdhenj të letërsisë botërore. Ai krijoi vepra që kanë lënë gjurmë të pashlyeshme në historinë e letërsisë dhe vazhdojnë të lexohen edhe sot në mbarë botën. Krijimtaria e tij përfshin tragjedi, komedi dhe drama historike, të cilat zënë një vend të rëndësishëm në trashëgiminë letrare dhe teatrore. Ndër veprat e tij më të njohura përmendim: Hamleti, Romeo dhe Zhulieta, Makbethi, Otello, Mbreti Lir, ku trajtohen tema universale, si dashuria, ambicia, xhelozia, pushteti, tradhtia, drejtësia dhe lufta e brendshme te njeriu. Përmes personazheve dhe situatave të ndërlikuara, Shekspiri arrin të depërtojë në thellësitë e shpirtit njerëzor dhe të paraqesë me një vërtetësi të rrallë pasionet, dobësitë dhe dilemat e tij. Më shumë se katër shekuj pas vdekjes, William Shakespeare mbetet një nga autorët më të lexuar dhe të studiuar në mbarë botën. Veprat e tij vazhdojnë të frymëzojnë shkrimtarë, poetë, artistë dhe lexues të brezave të ndryshëm, sepse prekin çështje që nuk e humbasin kurrë rëndësinë apo vlerën e tyre. Madhështia e këtij autori qëndron pikërisht në aftësinë për ta shndërruar përvojën njerëzore në art dhe për t’u dhënë fjalë ndjenjave, mendimeve dhe pasigurive që trazojnë shpirtin. Shekspiri nuk i përket vetëm letërsisë së një epoke apo të një kombi; ai i përket trashëgimisë së përbashkët kulturore të njerëzimit.
Po shfaqen krejt 16 përfundimetRenditur sipas më të rejave
Sonete – William Shakespeare – Pegi
Kjo përmbledhje është një takim mes dy mjeshtërve të fjalës: Shekspirit, që u dha zë ndjenjave më të thella njerëzore, dhe Vedat Kokonës, që me ndjeshmërinë e tij poetike i bëri ato të tingëllojnë natyrshëm e bukur edhe në shqip. Sepse koha mund të marrë bukurinë e çastit, por jo bukurinë që mbetet e gjallë në poezi.