Përmes prapësive, keqkuptimeve dhe situatave të papritura, Collodi rrëfen botën e fëmijërisë me humor të hollë dhe një ironi që nuk kursen as të vegjlit e as të rriturit. Personazhet e tij gabojnë, mburren, mashtrojnë, ëndërrojnë dhe bien në telashe, por pikërisht përmes këtyre përvojave mësojnë diçka për veten dhe për botën. Me këtë botim, Histori gazmore vjen për herë të parë në gjuhën shqipe në edicionin e saj të plotë.

Artur Paçe është 14 vjeç, fëmijë i vetëm, tip i mbyllur dhe numëron gjithçka: shkallët, yjet, hapat e tij. Arturi është autori i “Ishullit të kafshëve”, një libër komik, në të cilin rrëfen çfarë ndodh me të dhe familjen e tij, me banorët e ishullit ku jeton dhe me Stella Errerën, për të cilën dëshiron shumë që të bëhet shoqja e tij. Në librin e tij ai është Bianko, një ari polar, dhe çdo banor i vërtetë i ishullit është një kafshë. Gjithçka shkon mirë deri në natën e yjeve që bien, kur Arturi dhe Bianko shprehin të njëjtën dëshirë dhe ajo merr formë. Në të dy ishujt.