Konsideruar si kryevepra e Petro Markos e botuar para viteve ’90, “Nata e Ustikës” është një roman i fuqishëm që e vendos letërsinë shqipe në nivelet më të larta të letërsisë evropiane të “brezit të humbur”. Ngjarjet zhvillohen në ishullin famëkeq të Ustikës, duke sjellë kalvarin e mundimeve të qindra të burgosurve të kombësive të ndryshme, mes të cilëve edhe shumë shqiptarë. Në këtë mjedis të zymtë e çnjerëzor, dritën e shpresës e mban gjallë dashuria e zjarrtë mes Andreas dhe Sonjës. Zbuloni këtë perlë të prozës sonë kombëtare, tashmë të disponueshme në Leximtari.