Kush e hengri akulloren

Në të gjithë krijimtarinë për fëmijë Tasim Gjokutaj është shquar për ndërtimin e fabulave interesante, për kapjen e trajtimin e temave në mënyrë integruese e me të papritura e të këndshme, gjë që u pëlqen shumë lexuesve të vegjël; për mbështetjen e fuqishme në gurrën popullore të trevave të Jugut e veçanërisht të krahinës së Kurveleshit, për vargun e tij melodioz, për humorin e hollë, për batutat e goditura që shpesh i bëjnë fëmijët të venë buzën në gaz apo të kruajnë kokën, në rast se e kanë mizën në kësulë… (siç thotë populli), për komunikimin e lirshëm e me njohje të botës, gjuhës e psikologjisë fëminore, për bashkëbisedimin e ngrohtë me lexuesit e vegjël e për shumë cilësi të tjera, të cilat e bëjnë autorin ndër krijuesit më të dashur në këtë fushë.