Djemtë e rrugës Pal

Beteja e madhe e fëmijëve për një copë tokë dhe vlera e lartë e miqësisë

Pranë Lagjes Tetë, e famshme në Budapest, midis rrugicave që kufizojnë lagjen e vjetër hebraike, gjendet ende rruga e vogël Pal, e cila, në imagjinatën e autorit Ferenc Molnar, u bë skena e betejës më të paharrueshme midis fëmijëve që letërsia ka treguar ndonjëherë.

Publikuar fillimisht në vitin 1907, “Djemtë e rrugës Pal” përshkruan luftën e ndstë, plot pasion e rregulla mes dy grupeve djemsh për të pasur të vetin një shesh lojërash të lirë në lagje—truallin e tyre të shenjtë. Konflikti ndizet kur Açi, udhëheqësi i Këmishëkuqve rivalë, vjedh flamurin nga njëra prej fortesave të tyre. Për ta rimarrë atë nga kampi armik, Boka, Nemeçeku dhe Çonakoshi organizojnë një ekspeditë të guximshme.

Dy “ushtri” të përbëra pothuajse vetëm nga gjeneralë dhe oficerë, ku secili mbron me fanatizëm shokët dhe idealet e tij. Por në këtë mes spikat një ushtar i vetëm, më i vogli dhe më i brishti: Erno Nemeçeku, një djalë biond, i imtë, nga një familje e varfër, i cili do të tregojë një guxim prej heroi dhe do ta pësojë rëndë në këtë aventurë.

Një libër klasik që preku zemrat e brezave, duke na lënë trashëgimi një nga portretizimet më prekëse të shoqërisë fëminore, besnikërisë deri në vetëmohim dhe çmimit të lartë të lirisë e nderit.