Grate per te cilat mendoj gjate nates

Një rrugëtim nëpër botë në kërkim të grave që thyen çdo tabu

Jetët e këtyre femrave nuk kanë ndjekur kurrë trajektoren tradicionale. Ato kanë thyer tabutë dhe barrierat më të forta, duke arritur gjëra që kurrsesi nuk priteshin prej tyre. Një pjesë e mirë janë artiste dhe shkrimtare, femra me natyrë të tërhequr, që shpesh nuk kanë pasur familje apo fëmijë, dhe marrëdhëniet e tyre me meshkujt kanë qenë krejtësisht të pazakonta. Ato udhëtuan, u shpërngulën në kultura të tjera dhe arritën të revolucionarizojnë jetën e tyre edhe në moshë të kaluar.

Çfarë mund të bëjë vërtet një grua dyzetvjeçare pa fëmijë në botën e sotme? E mërzitur dhe e bllokuar në rutinën e saj, autorja Mia Kankimaki merr një vendim drastik: braktis punën, shet apartamentin dhe vendos të udhëtojë nëpër botë. Qëllimi i saj është të ndjekë shtigjet e femrave eksploruese që e kanë frymëzuar prej kohësh.

Rrugëtimi i saj e çon në Tanzani e më pas në Kenia, për të parë vendin ku jetoi në vitet 1920 e famshmja Karen Bliksen, autorja e “Jashtë Afrikës”. Në Japoni, Mia kërkon të kapërcejë trishtimin duke u zhytur në botën e artistes bashkëkohore Jajoi Kusama. Ndërsa në Itali, ajo kalon ditët në kërkim të veprave të harruara të grave të Rilindjes, si Sofonisba Anguisola, Lavinia Fontana dhe Artemisia Xhentileski. Përmes këtij libri, Mia ngre një pyetje jetike: Nëse këto gra ia dolën të ishin të suksesshme qindra vite më parë, përse të mos jetë edhe ajo?