Saga e jeteve legjende 1

Nga xhungla e Amazonës te historitë e gjashtë personaliteteve të pavdekshme

“Si shumë njerëz, të cilët mendojnë dhe dëshirojnë të shkruajnë një libër gjatë jetës së tyre, edhe mua prej vitesh më ka munduar tundimi për të shkruar një roman apo novelë, por asnjëherë nuk kam arritur të gjej kurajën te vetja, për t’u ulur dhe për të hedhur fjalët e para.” Me këto fjalë të sinqerta, Arjan Konomi na fton në gjenezën e kësaj vepre. Asnjëherë në gjithë ato vite nuk kishte menduar të shkruante këtë libër, por gjithçka ndryshoi.

Në veprën e tij Saga e jeteve legjende 1, autori rrëfen se mendimi i lindi krejt papritur teksa gjendej në një udhëtim të gjatë në Brazil. I pasionuar pas njohjes së botës, ai po realizonte ëndrrën e lundrimit në lumin e Amazonës. I pajisur me libra biografikë për të kaluar orët e gjata, ai filloi të mbante shënime mbi jetën e personazheve që e shtangnin dhe e mrekullonin me jashtëzakonshmërinë e tyre histori të vulosura mes dehjes së suksesit dhe thellësisë së dhimbjes, mes mundimeve të paepura dhe talentit mbinatyror.

Për këtë libër, autori bëri një përzgjedhje krejt rastësore dhe thellësisht personale. Përzgjedhja ra mbi gjashtë personazhe nga epoka dhe eksperienca të ndryshme të njerëzimit. Duke ndërthurur jetën e tyre private dhe publike, ky vëllim synon t’i ofrojë lexuesit një shtrirje sa më të gjerë për të zgjuar kuriozitetin dhe për të njohur nga afër ata që krijuan legjenda të vërteta jetësore.

3. Meta Description