C’te besh kur friksohesh nga shtrati

Udhëzues për fëmijë: si të mposhtin problemet me gjumin

A nuk do të ishte mrekullia vetë të hidheshim mbi shtrat, të tulateshim nën shtroja dhe të na zinte gjumi menjëherë pa ankthe pa frikë? Pa i bërë veshët pipëz për të dëgjuar zhurma e pa menduar për njerëzit e këqij? Pa u çuar për të pirë ndonjë gotë ujë a lëng, apo pa shkuar edhe një herë në tualet? Koha për gjumë është e vështirë për shumë fëmijë. Nëse edhe ty të zë frika të shkosh në shtrat për të fjetur dhe je i bindur se asgjë veç magjisë nuk funksionon për të të zënë gjumi, atëherë ky libër është për ty.

Udhëzuesi Ç’të bësh kur frikësohesh nga shtrati i udhëheq fëmijët dhe prindërit e tyre përmes teknikave konjitive-sjellore që përdoren për trajtimin e problemeve me gjumin. Frikërat, ngarkesa mendore, shqetësimet trupore, dhe varësia e tepërt nga prindërit mund të mposhten, ndërkohë që fëmija fiton aftësitë që i nevojiten për të pasur net më të qeta. Ky libër ndërveprues vetë-ndihmës është një udhëzues për edukimin, motivimin dhe fuqizimin e fëmijëve që të arrijnë të flenë në kohën e duhur dhe të qëndrojnë t të je në gjumë… si me magji!

Vlerësime

“Një libër jashtëzakonisht i vlefshëm për prindërit dhe fëmijët që kanë frikë ose ankth kur vjen koha për të fjetur. Një udhëzues që duhet ta kenë prindërit dhe fëmijët që dëshirojnë të përmirësojnë dhe të krijojnë zakone më të shëndetshme gjumi.”

— Kim West, shkrimtare

“I mbushur me zgjidhje praktike për një gamë të gjerë problemesh të gjumit, si dhe me sugjerime krijuese dhe argëtuese për zgjidhjen e problemeve, ky udhëzues do t’i shndërrojë lotët dhe frikërat e mbrëmjes në ëndrra të bukura dhe net të qeta e çlodhëse.”

— Judith Owens, MD, drejtoreshë e Hasbro Children’s Hospital, Rhode Island