Zeri i trete – Anri Sala dialog me Alda Bardhylin

Ky dialog, i zhvilluar në prill 2020, në kulmin e pandemisë globale, merr rëndësi si dokument i një momenti pezullimi dhe introspeksioni kolektiv.

Në një kohë kur bota u tërhoq brenda hapësirave të saj më intime dhe kur pasiguria u bë një përvojë e përbashkët, arti u përball me pyetje të reja mbi funksionin, përgjegjësinë dhe kufijtë e tij.

Kjo bisedë synon të hapë një fushë reflektimi mbi tensionin mes angazhimit dhe distancës, mes urgjencës së realitetit dhe nevojës së artit për të ruajtur një liri, që shpesh lind pikërisht nga kjo distancë.

I zhvilluar mes Tiranës dhe Berlinit, ky dialog nuk përfaqëson vetëm një shkëmbim mendimesh në distancë, por edhe një përpjekje për ta pozicionuar artin bashkëkohor dhe kulturën shqiptare brenda një diskutimi më të gjerë global, duke ndërhyrë në mënyrë kritike në një moment kur e ardhmja dukej e paqartë dhe vetë roli i artit kërkonte të riformulohej.