Bija e Montezumës

Një betim hakmarrjeje që e dërgon heroin nga Anglia e vjetër në zemër të perandorisë së Aztekëve

Tomasi, një djalosh tetëmbëdhjetëvjeçar, shëtit i lumtur rrugëve të fshatit, duke ëndërruar dashurinë e premtuar nga Lili, vajza e fqinjit të tij. Por kjo qetësi merr fund në mënyrë tragjike kur një i panjohur misterioz shfaqet në horizontin e familjes Vingfild. Lumturia e tyre shkatërrohet; nëna e Tomasit vritet brutalisht, ndërsa ai vetë, pa dashje, lejon që vrasësi t’i shpëtojë drejtësisë.

Hidhërimi i të atit nuk përshkruhet dot, ndërsa në shpirtin e të riut lind një flakë e pashuar: hakmarrja. I shtyrë nga dashuria e thellë për nënën dhe babanë, Tomasi betohet solemnisht: “Ta ndjek vrasësin e nënës deri në fund të botës!”

Por rruga e hakmarrjes dëshmohet të jetë tepër e gjatë, e dhimbshme dhe e hidhur. Duke ndjekur gjurmët e Huan de Garsias, kushëririt të pashpirt, Tomasi përfundon në Anauak, shtetin e vjetër të aztekëve të lashtë, në zemër të Mbretërisë së Montezumës. Sikur ta dinte se çfarë e priste, ndoshta nuk do ta kishte nisur kurrë këtë rrugëtim! Në këtë botë të re e të rrezikshme, ai takon Otomin, indianen e bukur e të zgjuar — Bijën e Montezumës, mbretit të aztekëve. Kështu nis një histori fantastike mbijetese, pasioni dhe fati, që fillon kur Tomasi ishte ende një djalosh dhe mbaron kur…