I ringjalluri

Ndonjëherë e kaluara nuk do që të qëndrojë e varrosur.

Në mbarë Europën, kriminelët më të pamëshirshëm po vdesin në mënyra makabre. Në fillim duket thjesht si një rastësi—një shenjë që lidhjet e tyre me botën e krimit më së fundi po japin pasojat e pashmangshme mbi ta. Por, kur zbulohet se dy prej viktimave kanë lidhje të drejtpërdrejtë me detektivin Jona Lina, bëhet e qartë se është fjala për një vrasës të vetëm dhe tejet të rrezikshëm. Megjithatë, policia ngurron të nisë një hetim. Nëse një ndëshkues misterioz po ua lehtëson punën duke eliminuar fundërrinat e shoqërisë, pse duhet ta pengojnë?

Jona, ndërkaq, është i bindur se ky nuk është ndonjë hero i vetëshpallur. Këto vdekje nuk janë thjesht një pastrim, por i shërbejnë një qëllimi shumë më të errët.

I dëshpëruar dhe në kërkim të ndihmës, Jona i drejtohet Saga Bauerit. Nëse parandjenja e tij është e saktë, ajo është ndër të paktët njerëz që kanë një shans real ta ndalojnë këtë mendje kriminale. Por Saga po lufton ashpër me demonët e saj të brendshëm… dhe vrasësi e di saktësisht si t’i përdorë ata në avantazhin e tij. Ai vazhdon të godasë pa u ndëshkuar dhe duket se askush nuk është më i sigurt.

Kur vrasësi nis të shënjestrojë njerëzit më të afërt të Sagës dhe Jonës, bëhet gjithnjë e më e qartë se Jona kishte të drejtë gjatë gjithë kohës… dhe se për ta zbuluar autorin, ai do të detyrohet të përballet me një fantazmë nga e kaluara—armikun më të frikshëm që ka hasur ndonjëherë.