Njeriu qe shkruante ne varreza

Kur qetësia e qytetit fsheh misteret e të vdekurve

Në romanin e jashtëzakonshëm “Njeriu qe shkruante ne varreza”, jeta zhvillohet në një qytet provincial të harruar nga bota. Është një vend ku as luftërat nuk kanë lënë gjurmë, ku nuk ka heronj vendas, dhe ku qetësia monotone ndihet si një mallkim nga të rinjtë që e quajnë qytetin e tyre “një vrimë të harruar të Zotit”. Por nën këtë sipërfaqe të ndenjur si një pellg, fshihet një realitet i trishtë dhe një përplasje e frikshme mes botës së të gjallëve dhe atyre që nuk jetojnë më.

Ky rrëfim i ngjeshur vë në pikëpyetje gjithçka, nga besimi i priftit të zonës e deri te detyra e kryepolicit në prag të pensionit. Për këtë vepër tronditëse të letërsisë sonë, kritika ka ndarë vlerësime maksimale:

“Ky është romani më i mirë i shkruar nga një autor bashkëkohor shqiptar mbi kotësinë e jetës në periferi… rrëfimtari zotëron mjeshtri për të mbajtur lexuesin në tension deri në faqen e fundit.” — Dr. Albert Gjoka

“Një pasqyrë e realitetit që e jetojmë, por që nuk guxojmë ta shohim. Autori shpalos absurditetet dhe krizat morale të shoqërisë shqiptare bashkëkohore.” — Zyrafete Shala

“Një qytet i vogël mbart gjithmonë kontraste të mëdha… Përplasja e ideve është e pashmangshme. Nën sipërfaqen e qetë të përditshmërisë fshihet një realitet i trishtë.” — Leonard Veizi

“Nesturi mbetet dëshmitari i fundit i atij realiteti ku pikëtakohen katër stinët e një moti dhe ku vërehet qartë vija ndarëse midis dy botëve… një betejë e përjetshme dhe fatale për mbijetesë.” — Dr. Ermir Nika

Për çdo lexues që kërkon një triller psikologjik e social që eksploron thellësitë e shpirtit njerëzor, ky botim është i domosdoshëm. Porositni kopjen tuaj sot.