Ashtu sic bie debora

Kur akulli i së kaluarës shkrin përballë një jete të re

“Për të kam qenë gjithmonë si lulebora. Lulja e fildishtë, që sfidon dimrin për të dalë në sipërfaqe.” Ivi është rritur mes liqeneve të ngrira dhe pyjeve të paprekura nga dora e njeriut, e rrethuar nga dëbora që e do aq shumë. Ja pse, kur mbetet jetime dhe detyrohet të shpërngulet drejt Kalifornisë së ngrohtë, vajzën e mundon pafundësisht ajo që ka lënë pas: Kanadaja, vendi i vet dhe një boshllëk i madh që nuk po e mbush dot. Midis atyre maleve ndodhet e kaluara me të cilën vajza është kaq e lidhur, e njëjta e kaluar që, pa e ditur, i ka ngjizur përbrenda një sekret të rrezikshëm në romanin e ri “Ashtu sic bie debora”.

Tani, e vetmja familje që i ka mbetur është ajo e Xhonit, kumbarit të saj të dashur. Por shpejt kupton se djali i Xhonit, Meisoni, nuk është më djali i vogël pa dhëmbë që kishte parë dikur në foto. Djalë i rritur, ai ka sytë e mprehtë të një bishe të egër dhe një fytyrë krejtësisht të palexueshme. Kur i buzëqesh zymtazi për herë të parë, duke shpërvjelë buzët e përsosura, Ivi e kupton se bashkëjetesa e tyre do të jetë tejet e vështirë. Meisonit nuk i pëlqen fare që ajo të jetojë me ta dhe nuk bën asnjë përpjekje të vetme për ta fshehur këtë armiqësi.

Ndërsa përpiqet të qëndrojë mbi ujë në valët e rrëmbyeshme të jetës së saj të re në bregun e oqeanit, Kanadaja dhe misteret vazhdojnë ta trazojnë Ivin. A do të mundet zemra e saj, e bardhë si bora, të lulëzojë përsëri, duke mposhtur përfundimisht akullin e dimrit?