Një verë e artë

Një rikthim te liqeni, një foto që ndryshoi gjithçka dhe një dashuri e papritur

“Nuk e kisha llogaritur Çarli Florekun.”

Gjëra të bukura ndodhin te liqeni. Kështu thoshte gjyshja e Alisës, dhe ishte e vërtetë. Kur ishte shtatëmbëdhjetë vjeç, Alisa kaloi një verë magjike në një shtëpizë me Nanën. Pikërisht atëherë ajo shkrepi atë foto ikonike që kapte tre adoleshentë të qeshur në një motobarkë të verdhë—imazhin që do t’i ndryshonte përgjithmonë jetën dhe karrierën.

Tani, Alisa jeton pas lentes. Si një fotografe e suksesshme, ajo ndihet më rehat prapa aparatit, duke lënë të tjerët të shkëlqejnë. Por, kur Nana rrëzohet dhe thyen ijën, Alisa e kupton se të dyjave u duhet një arratisje e qetë. Ajo bën një plan: një tjetër verë në atë vend magjik, në Gjirin e Berit. Mirëpo, sapo vënë këmbë atje, qetësinë ua prish uturima e njohur e një motobarke të verdhë dhe burri tërheqës që e vozit.

Çarli Floreku ishte vetëm nëntëmbëdhjetë vjeç kur Alisa e kapi në foto prej së largu. Tani është burrëruar, kthyer në një flirtues të paturp që e bën Nanën të qeshë dhe Alisën të dëshirojë të kthehet pas në kohë, atëherë kur jeta ishte më e thjeshtë. Ditët e kaluara nën diell dhe netët e vakëta buzë liqenit po kthehen në një balsam për shpirtin e saj. Por, kur ajo ndeshet me vështrimin e tij jeshil e depërtues, nis të shqetësohet vërtet për zemrën e saj. Alisa ka sy të mprehtë si fotografe, por kurrë nuk ka takuar dikë që arrin ta lexojë atë vetë me kaq qartësi.

Siç thekson Us Weekly, “Nuk ka asgjë më të bukur se të lexosh një libër të Carley Fortune pranë ujit.”