Bionde – Joyce Carol Oates

Ajo ishte ëndrra e çdo burri, por realiteti i askujt. Përpara se bota ta njihte si Marilyn Monroe, ajo ishte Norma Jeane Baker: një vajzë e ndjeshme, e vetmuar me një etje të pashuar për dashuri, vëmendje dhe një vend ku të ndihej e sigurt.

Në këtë roman magjepsës, Joyce Carol Oates rindërton me guxim jetën e një prej ikonave më të mëdha të shekullit të kaluar, duke e shndërruar mitin në një histori të thellë njerëzore.

Romani “Bionde” ndjek rrugëtimin e Norma Xhinit që nga fëmijëria e vështirë në jetimoret e Los Anxhelosit deri te shkëlqimi verbues i famës në

Hollivud, jetën e një gruaje që jetoi mes ëndrrës dhe ankthit, mes dashurisë dhe shfrytëzimit. Me një gjuhë poetike dhe një ndjeshmëri të jashtëzakonshme, Oates zbulon çmimin e famës, dhunën e pasionit dhe boshllëkun pas buzëqeshjes që pushtoi botën.