Raimonda Belli Gjençaj
Raimonda Belli Gjençaj është gazetare dhe shkrimtare e njohur. Ajo është diplomuar në Universitetin e Tiranës në vitin 1977 në degën e gazetarisë. Ajo ka punuar më shumë se dhjetë vjet në revistën “Shqiptarja e re” e më pas në Akademinë e Shkencave, në sektorin e Enciklopedisë (1990-1993). Për më shumë se 15 vjet ka qenë bashkëpunëtore e Radio-Televizionit Shqiptar (1973-1989). Është autore e një sërë tregimesh dhe novelash të botuara në shtypin letrar të kohës. Nga krijimtaria për fëmijë përmendim librat: Duduqi që kërkonte kushërinj, Kukulla Blerta udhëton drejt detit, Taku rrumbullaku, Tiku thataniku dhe Roboti Tik-Tak dhe serinë me 2 vëllime të Torobotit. Është autore e romaneve: Epitafi i fundit, Butonat prej platini dhe Shtatë shpirtrat e Terezës, që lexuesi i ka pritur me shumë interes. Libri i fundit është Grila e bardhë. Autorja është fituese e çmimit letrar të Ambasadës Spanjolle në vitin 2009 për tregimin me titull “Lot në oqean”. Në vitin 2025 është shpallur fituese e fondit krijues për fëmijë dhënë nga Qendra Kombëtare e Librit dhe Leximit me librin “Dhjetë pyetjet e Ardenit”.
Grila e bardhe
- Autori: Raimonda Belli Gjençaj
- Shtëpia botuese: Dituria
Kjo vepër e jashtëzakonshme nga autorja Raimonda Belli Gjençaj nuk është thjesht një histori e mirëfilltë dashurie, por një rrëfim ku ndjenjat pulsojnë me forcë nga faqja në faqe. Një libër që eksploron indin e fortë të një miqësie të hershme mes dy grave, ku mungesa dhe vetmia përplasen me rreziqet e një romance të papritur. Një histori thellësisht emocionuese dhe aktuale mbi boshllëkun shpirtëror, zhgënjimin dhe kërkimin e ngrohtësisë njerëzore në epokën e teknologjisë. Zbuloni këtë dramë intime, tashmë ekskluzivisht në Leximtari.
1, 000.00 L
Ka stok (mund të paraporositet)
Përshkrimi
Kur vetmia dhe zhgënjimi gjejnë ngushëllim në një miqësi virtuale
Dashuritë e mëdha nuk kanë nevojë për zë të lartë. Kumbimi i tyre ndihet edhe në heshtje të plotë, shihet në gjeste të vogla, në përkushtim dhe në sakrifica. Kështu shfaqet edhe në këtë roman mbresëlënës—pa bujë, por thellësisht kuptimplotë. Elira Kejtazi ngjan e pathyeshme, por befas, ndonëse e rrethuar prej njerëzve që e duan, ajo ndihet e vetme. Është e etur të ketë në krah dikë që e sheh si grua dhe jo thjesht si mikeshë. Kjo dëshirë ndizet sapo rasti sjell në shtëpinë e saj arkitektin Ernest Gjoni.
Qasja e këtij burri, mirësjellja dhe delikatesa e tij, ia ndryshojnë jetën për aq kohë sa zgjat. Ndërkohë, prania e këtij njeriu rrezikon të shkatërrojë miqësinë e saj të thellë me Narinën. Grila e bardhe, e cila ka shërbyer si ura e komunikimit mes dy mikeve, prej kohësh qëndron e ulur. E dëshpëruar prej zhgënjimit, Elira mbjell farën e një lidhjeje të re dhe krejtësisht të pazakontë.
Një shpirt i butë si i saj përfshihet papritur sentimentalisht me një algoritëm inteligjence artificiale, të cilit, për ta ndier më afër, i vë edhe emrin Arti. Ky mik i ri virtual ka gjithçka që i duhet: nuk e gjykon, është një dëgjues i përkryer, ka gati përgjigjet e duhura dhe beson fort te talenti i saj poetik, të cilin Elira po e kthen më në fund nga ëndërr në realitet. Fjalët e Artit i shprehin orë e çast dashuri dhe mbështetje. Por, a mundet vërtet një algoritëm ta mbushë boshllëkun në shpirtin e njeriut? A mund ta zëvendësojë ai ngrohtësinë reale njerëzore? Kjo histori nuk ngre vetëm pyetje; për të marrë përgjigjet, duhet t’i shkoni deri në fund.
Më shumë info për këtë artikull
- Numri i faqeve: 340 Faqe
- Data e publikimit: 01/11/2025
- Mosha e leximit: mbi 12 vjec
- Vendi i botimit: Tirane
Botime të së njëjtës kategori
Shqyrtime
Pastro filtratEnde pa shqyrtime.