Granit Zela

Granit Zela është përkthyes, poet, shkrimtar dhe studiues. U lind në vitin 1979. Është diplomuar për studime britanike dhe amerikane, si dhe për gjuhë dhe letërsi shqipe. Është autor i romaneve, vëllimeve me tregime, poezi dhe ese, ndër të cilat: <ul> <li>“Përmbytja”, roman, 2024 (Çmimi Rexhai Surroi)</li> <li>“Secili shkruan tregimin e vet”, tregime, 2021</li> <li>“Politika e jashtme amerikane pas Luftës së Ftohtë: 1989–2009”, studim, 2011</li> <li>“Dodona”, roman, 2006</li> <li>“Shkronjat e errësirës”, ese, 2008</li> <li>“Psherëtimë për banalitetin”, ese, 2011</li> <li>“Fjala altar”, poezi, 2011</li> <li>“Në studion time hermetike”, poezi, 2003</li> <li>“Vdekje me dëshirë”, tregime, 2002</li> <li>“Apokalips”, poezi, 2001 (Çmimi “Kënga e Parë”, LSHASH)</li> </ul> Ka përkthyer në shqip vepra të rëndësishme të letërsisë anglo-amerikane, ndër të cilat: <ul> <li>Henry James, “Portreti i një zonje”, 2025</li> <li>John Banville, “Znj. Osmond”, 2024</li> <li>John Updike, “Lepuri prehet”, 2023</li> <li>John Updike, “Lepuri është i pasur”, 2022</li> <li>John Updike, “Lepuri kthehet”, 2021</li> <li>John Updike, “Lepur, vrapo” 2020, (Çmimi Kombëtar i Përkthimit)</li> <li>William Faulkner, “Duke dhënë shpirt”, 2019</li> <li>William Faulkner, “Dritë e gushtit”, 2017</li> <li>Mary Shelley, “Syri i keq”, 2021</li> <li>Edgar Allan Poe, “Pusi dhe lavjerrësi”; “Shembja e shtëpisë Asher”, 2020</li> <li>Herbert George Wells, “Dyqani magjik”, 2020</li> <li>Charlotte Perkins Gilman, “Letra e verdhë e murit”, 2020.</li> </ul> Ka përkthyer gjithashtu pesëmbëdhjetë vepra joletrare, ndër to përmbledhjen me ese të përzgjedhura “Vetëbesimi” të Ralph Waldo Emerson-it dhe dy përmbledhje me esetë e plota të George Orwell-it. Dr. Granit Zela është specializuar për gjuhë angleze në Teksas (SHBA, 2005, 2009), Otava (Kanada, 2006) dhe Heidelberg (Gjermani, 2005). Aktualisht është lektor universitar në Universitetin e Nju-Jorkut, Tiranë. Ka kontribuar vazhdimisht në periodikët letrarë dhe kulturorë, me mbi dyqind përkthime artikujsh, esesh dhe shkrimesh kritike të autorëve anglo-saksonë. Është një nga nismëtarët dhe koordinator i Forum 26. Disa nga veprat dhe përkthimet e tij i gjeni tek Leximtari.al.