Paullina Simons

Paullina Simons lindi në vitin 1963 në Leningrad, në Bashkimin Sovjetik (sot Shën Petërsburg, Rusi). Kur ishte dhjetë vjeçe, familja e saj emigroi në Shtetet e Bashkuara. Gjatë fëmijërisë së saj në Rusi, Paullina ëndërronte të bëhej një ditë shkrimtare. Kjo ëndërr u shty për një kohë, ndërsa ajo mësoi gjuhën angleze dhe u përshtat me tronditjen që solli një kulturë krejtësisht e re. Pas diplomimit në universitet dhe pasi punoi në profesione të ndryshme, si gazetare financiare dhe përkthyese, Paullina shkroi romanin e saj të parë, Tully. Falë rekomandimeve të lexuesve nga goja në gojë, ky libër u mirëprit nga publiku në mbarë botën. Më pas ajo vazhdoi të shkruante romane të tjerë, ndër të cilët “Fletët e kuqe”, “Njëmbëdhjetë orë”, “Kalorësi i bronztë”, “Ura e kryqit të Shenjtë” (i njohur edhe me titullin në Tatiana dhe Aleksandri), “Kopshti veror” dhe “Vajza në Times Square” (i botuar gjithashtu me titullin Lily). Shumë prej romaneve të Paullina Simons kanë hyrë në listat ndërkombëtare të bestsellerëve. Përveç romaneve, Paullina ka shkruar edhe një libër gatimi, Tatiana's Table, i cili përmbledh receta, tregime të shkurtra dhe kujtime të frymëzuara nga trilogjia e saj bestseller: “Kalorësi i bronztë”, “Tatiana dhe Aleksandri” dhe “Kopshti veror”. Shumica e vepra të Paullina Simons kanë ardhur në shqip nga shtëpia botuese “Toena” dhe këto romane i gjeni online edhe tek Leximtari.al