Fuqia e psikologjise pozitive

Mënyra e duhur e të menduarit për më shumë vetëbesim dhe qetësi

A je shpesh tepër kritik ndaj vetes? E ke të vështirë të shprehësh mendimin tënd, të mbrosh qëndrimin tënd apo të mos ndikohesh nga opinionet e të tjerëve? A e gjen veten duke u shqetësuar për atë që mendojnë të tjerët dhe duke dyshuar në aftësitë e tua?

Shpesh, ne i krahasojmë jetët tona me ato të të tjerëve dhe kemi përshtypjen se ata i përballojnë sfidat më lehtë, ruajnë qetësinë në situata stresuese dhe kanë më shumë besim te vetja. Por pas këtyre krahasimeve fshihen shpesh pasiguritë tona, pritshmëritë e larta dhe zëri kritik që mbajmë brenda vetes. Por, çfarë do të ndodhte nëse do të mësoje ta ndryshoje mënyrën se si flet me veten dhe si i përballon sfidat e përditshme?

Në librin “Fuqia e Psikologjisë Pozitive”, autori dhe trajneri i biznesit Wladislaw Jachtchenko prezanton një qasje praktike, të ndërtuar mbi shtatë hapa të psikologjisë pozitive, për të të ndihmuar të zhvillosh një mendësi më të shëndetshme, të forcosh vetëbesimin dhe të fitosh më shumë qetësi të brendshme.