Pushimet verore 1

Një verë argëtuese dhe e dobishme për fëmijën tuaj

Libri “Pushimet verore 1” është krijuar posaçërisht për t’u ardhur në ndihmë fëmijëve gjatë muajve të verës, duke e bërë procesin e të nxënit një aktivitet të këndshëm e pa sforcime. Ky botim është ndërtuar për t’u përdorur me lehtësi në mënyrë autodidakte nga vetë fëmija, por mund të ndiqet edhe me mbështetjen e prindërve.

I përgatitur nga ekspertë të fushës, libri nuk paraqet asnjë vështirësi në përvetësim. Ai përmban plot 60 mësime të shpërndara ndërmjet lëndëve kryesore të klasës përkatëse: Gjuhë shqipe, Matematikë dhe Dituri Natyre. Filozofia e këtij teksti është shumë e thjeshtë: duke punuar vetëm 15 – 20 minuta në ditë, nxënësi arrin të mbajë të freskëta njohuritë e marra gjatë vitit, pa iu cënuar koha e pushimit dhe e lojës.

Për ta bërë mësimin më tërheqës, brenda faqeve të tij fëmijët do të gjejnë:

• Detyra krijuese që nxisin imagjinatën e lirë.

• Informacione interesante dhe kuriozitete të shumta.

• Ushtrime praktike të strukturuara sipas moshës.

• Të dhëna shtesë për zgjerimin e njohurive shkollore dhe formimin e përgjithshëm intelektual të fëmijës.

Në sajë të kësaj pune të përditshme e të lehtë, në fillim të vitit të ri shkollor nxënësi nuk do të ketë më nevojë për përsëritje të lodhshme, por do të kthehet në bankat e shkollës plot energji për të përvetësuar njohuritë e reja.