Autor: Roberto Saviano

Roberto Saviano ka lindur në Napoli, në vitin 1979. Është autor i bestsellerit ndërkombëtar “Gomorra”, që u përkthye në më shumë se pesëdhjetë vende dhe u shit në më shumë se dhjetë milionë kopje në Itali dhe në botë. Mbështetur në këtë libër janë realizuar një shfaqje teatrore që fitoi çmim në Olimpiadën e Teatrit (2008), si dhe filmi me të njëjtin titull, që fitoi Çmimin e Madh të Jurisë në Festivalin e Kanës (2008). Po ashtu, janë botuar edhe libra të tjerë, si “Zero zero zero”, “ Banda e Fëmijëve”, “Puthje mizore”, etj. Saviano shkruan artikuj dhe opinione në disa organe shtypi në Itali dhe nëpër botë. Për veprimtarinë e tij si autor dhe për angazhimin qytetar i janë dhënë çmime të ndryshme prestigjioze brenda e jashtë vendit.