Djali i keq qe une dashuroj

Nuk është e vështirë të zgjedhësh midis një djali për së mbari dhe një djali të mbrapshtë. Por kur zgjedhja bie mbi dy djem të mbrapshtë?

Kiara, nëntëmbëdhjetë vjeçe, plot gjallëri dhe e sinqertë. Çezare, moshatar me të, e me një të shkuar prej huligani. Por që kur u lidhën bashkë, dashuria e ka shëruar, e mes gjembave të tatuazhit të tij ka çelur syth nga një trëndafil për çdo muaj të kaluar bashkë me Kiarën.

Një ditë, Kiara sheh mes trëndafilave shenja të nxira, e kërkon sqarime që nuk ia del dot t’i marrë. Çezare, me sjelljen e tij të përvjedhur e të mistershme, s’bën tjetër veçse rrit dyshimet e Kiarës, aq sa ajo lë pas dore studimin për provimin e pranimit në degën e veterinarisë. Kiara i vihet pas ta ndjekë, e një ditë zbulon për takimet klandestine në orët e vona të natës, ku të rinjtë e Romës ndeshen me grushte.