Dhuntia e frikes

Mëso t’i besosh instinktit: Një udhëzues mbijetese nga eksperti botëror i sigurisë

Dadoja e re që sapo ke punësuar të ngjall një ndjesi të çuditshme shqetësimi—çfarë duhet të bësh? E ndjen se dikush po të ndjek në rrugë—a përballesh me të apo ia mbath? Një punonjës i pushuar nga puna të thotë: “Do të pendohesh”—a duhet marrë seriozisht ky kërcënim? Në ashensor hyn dikush që të duket i rrezikshëm—a pret për ashensorin tjetër? Çfarë bën me një takim që nuk pranon “jo” për përgjigje, apo me një të panjohur në një parking të shkretë që ofron ndihmë pa ia kërkuar?

Në librin “Dhuntia e frikës”, autori Gavin de Becker, këshilltar i yjeve të Hollivudit dhe agjencive qeveritare amerikane, përmbys mitin e rrezikshëm se aktet e dhunës janë të paparashikueshme. Ai ofron mënyra konkrete dhe të provuara për të mbrojtur veten dhe njerëzit e dashur, duke theksuar se intuita jonë është mekanizmi më i përsosur i mbrojtjes që zotëron njeriu.

Përmes këtij udhëzuesi të fuqishëm, ju do të mësoni:

• Si të veproni kur t’ju afrohet një i panjohur.

• Kur duhet të frikësoheni vërtet nga dikush që tenton t’ju afrohet.

• Çfarë të bëni nëse po ndiqeni apo kërcënoheni në përditshmërinë tuaj.

• Si të zbuloni burimin e kërcënimeve apo telefonatave anonime.

• Gabimin më të madh që mund të bëni ndaj dikujt që ju kërcënon.

Mos e injoroni frikën—ajo është një dhunti e lindur që mund t’ju shpëtojë jetën.