Fatos Kongoli
Fatos Kongoli është një nga shkrimtarët më të njohur të letërsisë bashkëkohore shqipe. U lind më 12 janar 1944 në Elbasan. Studio për matematikë pjesërisht në Pekin, pjesërisht në Tiranë, ku u diplomua në vitin 1967. Punoi për një kohë të gjatë si gazetar letrar dhe redaktor në Shtëpinë Botuese “Naim Frashëri”. Është autor i një vargu librash. Shquhen sidomos romanet e tij, të vlerësuara nga lexuesi shqiptar dhe i huaj. Librat e Kongolit janë botuar në Francë, Itali, Zvicër, Greqi, Gjermani, Poloni, Sllovaki, Bullgari, Serbi, Britani e Madhe, Spanjë, me jehonë në disa nga gazetat dhe revistat më të mëdha europiane, si: Le Monde, Le Figaro, La Stampa, Le Temps, Le Soir, L’Express, Magazine Littéraire, Der Tagesspiegel, The Guardian, The Indipendent, El Publico etj. Është tri herë fitues i çmimit vjetor “Për librin më të mirë në prozë” dhënë nga Ministria e Kulturës (1995, 2000, 2002), si dhe i çmimit “Velia” (2000). Është fitues i çmimit ndërkombëtar “Balkanika” (2002). Gjithashtu, është fitues i çmimit më të lartë letrar në Shqipëri “Penda e Artë” (2004). Shoqata e Botuesve Shqiptarë e ka vlerësuar me çmimin “Shkrimtari i vitit” për 2006-n, ndërsa romani “Lëkura e qenit”, përkthyer në gjermanisht, u shpall libri i muajit qershor 2006 në Gjermani. Është anëtar i Akademisë së Shkencave të Shqipërisë. Vepra e tij është hedhur në qarkullim nga shtëpia botuese Toena dhe gjendet edhe tek libraria Leximtari.
I humburi
- Autori: Fatos Kongoli
- Shtëpia botuese: Toena
- Redaktori: Sonila Kapo
Një nga veprat më të suksesshme dhe më të vlerësuara të shkrimtarit të njohur Fatos Kongoli, që i reziston kohës me fuqinë e saj tregimtare. Ngjarja nis në marsin e trazuar të vitit 1991, teksa mijëra shqiptarë dynden drejt anijeve në Durrës për t’u larguar drejt Italisë, por një burrë ndërron mendje në çastin e fundit dhe zbret. I përkthyer në shumë gjuhë të botës, ky rrëfim tronditës na jep një tablo të papërsëritshme të jetës së përditshme në epokën e zymtë të diktaturës. Një eksod i thellë dhe i dhimbshëm në brendësi të qenies njerëzore, të cilin mund ta zbuloni ekskluzivisht në Leximtari.
800.00 L
Mund të kihet me paraporositje
Përshkrimi
Një anije drejt Italisë dhe një eksod i heshtur brenda qenies njerëzore
Mars 1991. Thesar Lumi, banor në një nga qytezat pranë kryeqytetit, i hipën anijes në Durrës, bashkë me mijëra njerëz të tjerë, për t’u larguar me dëshpërim drejt Italisë. Por, në çastin e fundit, ai ndërron mendje dhe zbret. Me këtë skenë të fuqishme e domethënëse nis romani “I humburi”, i pari në ciklin e veprave të shkruara prej Fatos Kongolit në fillim të viteve ’90, i cili shënoi një sukses të jashtëzakonshëm brenda dhe jashtë vendit. Pse donte të ikte personazhi dhe përse zbriti pikërisht atëherë kur mundësia e lirisë ishte aq pranë?
Në këtë libër janë fare të rralla fjalët që do të sugjeronin drejtpërsëdrejti kontekstin e ashpër politik apo natyrën e regjimit brenda të cilit çojnë jetën personazhet. Në vend të kësaj, autori arrin të vërë në pah, me mjete të holla letrare dhe psikologjike, atë që shquan botën e brendshme të protagonistëve të tij.
I botuar për herë të parë para shumë vitesh, dhe i përkthyer me sukses në gjashtë gjuhë të huaja—ndër të cilat frëngjisht, gjermanisht dhe anglisht—ky rrëfim sjell një tablo të papërsëritshme dhe intime të jetës së përditshme në epokën e zymtë të diktaturës. Ai nuk është thjesht një tregim historik, por një eksod tronditës drejt kufijve të izolimit shpirtëror.
Më shumë info për këtë artikull
- Numri i faqeve: 255 Faqe
- Data e publikimit: 20/11/2008
- Mosha e leximit: mbi 14 vjec
- Vendi i botimit: Tirane
1 shqyrtim për I humburi
Pastro filtratBotime të së njëjtës kategori
Ekonomisti_Londer –
Nje nder librat me te bukur te periudhes se kohes se fundit te Komunizmit ne Shqiperi (fundi i viteve80′). Padyshim libri me i bukur i Kongolit.
-
-