Gjuetari i heshtur

Një garë kundër kohës për të ndalur grabitqarin në hije

Jona Lina është duke kryer ditët e fundit të dënimit në burgun Kumla, pas arrestimit për sulmin ndaj një oficeri policie, kur papritur thirret në një takim me kryeministrin suedez. Ministri i Jashtëm është vrarë brutalisht dhe ka të ngjarë që nën shënjestër të jenë edhe shumë figura të tjera politike. Policia ka dëshpërimisht nevojë për Linën që të gjejë vrasësin dhe të neutralizojë kërcënimin, ndaj i jepet një lirim i përkohshëm. Këtu nis ngjarja drithëruese e trillerit “Gjuetari i heshtur”, ku një tjetër vrasje e rëndë i provon detektivit se ka të bëjë me diçka shumë më komplekse dhe më të frikshme nga sa mund ta përfytyronte kushdo.

Numri i viktimave sa vjen e rritet dhe Lina e kupton se nuk ia del dot i vetëm. Ai kërkon ndihmën e Saga Bauerit, detektives së re dhe të talentuar të Shërbimeve Sekrete. Tani, të dy së bashku hidhen në një garë të dëshpëruar me kohën për të zbuluar planin e ndërlikuar të vrasësit. Një burrë i maskuar fshihet në hije, duke i përgjuar viktimat përmes dritares përpara se t’i vrasë ngadalë për shpagim.

Nuk do të kalojë shumë kohë dhe ky grabitqar i frikshëm do të shtjerë në kthetra edhe tri viktima të tjera. Asgjë nuk e ndal deri në hakmarrjen e plotë, ndaj u takon Jona Linës dhe Saga Bauerit të zgjidhin një nga rastet më të ndërlikuara në karrierën e tyre, duke i çuar lexuesit drejt një nate të tmerrshme dhune.

Kritika e ka vlerësuar lart këtë rikthim të fuqishëm:

“Një histori që, sa hap e mbyll sytë, kalon nga terrorizmi politik në një suspansë psiko-vrasëse.” — The New York Times Book Review

“Ky libër e shpall përfundimisht Keplerin si një mjeshtër të romaneve të krimit psikologjik.” — Library Journal