Dicka qe shkelqen

Si t’u afrohesh adoleshentëve kur ata mbyllen në heshtje? Si ta kuptosh dhimbjen që fshihet pas refuzimit të ushqimit, zemërimit apo frikës për të dalë nga shtëpia?

Psikiatri Mauro Roli nuk beson te përgjigjet e gatshme. Në qendrën Gjineshtra, në Romë, ai u ofron të rinjve atë që shpesh u mungon: dikë që i dëgjon pa i gjykuar. Sara nuk pranon të dalë nga shtëpia. Irena e konsideron armik ushqimin. Klara vjedh. Secili mbart një vuajtje që ende nuk di ta shprehë, një histori që kërkon veshë e zemër për t’u dëgjuar. Bashkë me ta, Mauro ndihmon edhe prindërit që ta kapërcejnë frikën dhe t’i shohin fëmijët përtej sjelljeve që i shqetësojnë.

Por edhe ai ka plagë të pambyllura. Kur Ariana, një paciente të cilën e ka njohur njëzet vjet më parë dhe nuk e ka harruar kurrë, kthehet në jetën e tij si kolege, Mauro duhet të përballet me të shkuarën e vet.