Statujat e humbura të Hitlerit

Një garë vdekjeprurëse për të zbuluar thesaret e errëta të Rajhut të Tretë

Kjo është historia e pabesueshme dhe e vërtetë e një detektivi që u përplas ballë për ballë me ish-nazistët, nostalgjikët e regjimit dhe trafikantët e artit për të zbuluar dy kuajt prej bronzi të diktatorit, i cili i vuri flakën botës.

Historiani i artit, Artur Brandi, i cili kombinon punën si ekspert me gjurmimin e rrezikshëm të veprave artistike të vjedhura, udhëton për në Livorno për të takuar një të njohur të vjetër: mbretin e kontrabandistëve, Mishel van Rajnin. Në shtëpinë e tij, ai sheh një fotografi tronditëse të Kuajve të Hitlerit. Këto dy statuja mbi tre metra të larta u porositën nga vetë Fyhreri për të zbukuruar ndërtesën e Kancelarisë së Re të Rajhut, si simbol suprem i pushtetit dhe ambicies së tij. Por, a nuk u shkatërruan ato gjatë bombardimit të Berlinit? Si përfunduan papritur në tregun e zi?

Duke u hequr si një blerës i mundshëm dhe një milioner imagjinar amerikan, Brandi hyn në një botë paralele të tmerrshme ku reliktet e Rajhut të Tretë shiten për miliona dollarë. Ky rrjet i errët përfshin ish-nazistë, ish-anëtarë të Stasit, trafikantë të dyshimtë dhe ish-agjentë të KGB-së. Ndërsa detektivi ngre me kujdes kurthin e tij për të kapur mendjet kriminale, rreziqet shtohen me shpejtësi. A do të arrijë ai t’i çojë para drejtësisë përpara se ata të zbulojnë identitetin e tij të vërtetë?

“Statujat e humbura të Hitlerit” është një rrugëtim nëpër disa nga çastet më dramatike të shekullit të njëzetë, që tregon se si e kaluara vazhdon të lërë gjurmë dhe të mbajë peng të tashmen.