Autorja e njohur italiane Federica Bosco vjen me një roman të ri për lexuesit shqiptarë, duke sjellë një histori nga jeta e zakonshme që mund të jetë jeta e secilit prej nesh. Përmes faqeve të këtij libri, ne zbulojmë se si një ekzistencë e ndërtuar mbi siguri të rreme mund të përmbyset në një çast, por edhe se si mund të gjejmë forcën për t’u ringritur. Një rrëfim i sinqertë dhe prekës prej të cilit mund të mësojmë shumë mbi veten dhe marrëdhëniet njerëzore. Zbuloni magjinë e të papërsosurës, tashmë ekskluzivisht në Leximtari.