Gjyqi i parase

Paraja si personazh, sprovë ekzistenciale dhe alegori e pushtetit në letërsinë shqipe

Letërsia shqipe sjell një traditë autorësh me formim financiar, ku figura kryesore është bankieri dhe shkrimtari Mitrush Kuteli (Dhimitër Pasko). Këtë gjurmë e ndjek shkëlqyeshëm ekonomisti i njohur Adrian Civici, i cili në këtë libër e kalon përvojën e tij akademike në letërsi, duke e trajtuar paranë jo thjesht si kategori ekonomike, por si sprovë ekzistenciale, ankth dhe përballje të njeriut shqiptar me pushtetin e saj.

Çfarë thonë personalitetet e letrave për këtë libër:

• Alda Bardhyli: “Rrallë një libër arrin ta kthejë paranë në personazh: këtu ajo flet, mbrohet e akuzon, – një alegori e mprehtë për ditën kur nga mjet ajo u shpall Zot… Në këtë gjyq të Parasë nuk ka radhë të parë e të fundit: kur jepet vendimi, e kupton se edhe emri yt ishte në listë.”

• Monika Stafa: “Hyra te ky libër për të kuptuar paranë, dola duke kuptuar veten. E di se çfarë do t’i ndodhë lexuesit: Do ta hapë nga kureshtja dhe do të largohet i menduar.”

• Dr. Albert Gjoka: “Tashmë edhe letrat shqipe e kanë një roman të denjë për paranë. Falë formimit akademik, por edhe aftësisë për të rrëfyer, autori na përcjell rrëfenjën mbi fuqinë që ka paraja, sidomos në kontekstin shqiptar.”

Një libër i pashmangshëm për këdo që dëshiron të kuptojë se si ky mjet magjik na transformon jetën dhe shoqërinë.